طريقة همبرجر دجاج بحامض الفلفل الحار والجبن Chili lime chicken & cheese burger

السلام عليكم
شحالكم بنات

ان شاء الله بخير

امس مليت من الاكل المتكرر في البيت وخاصه على العشاء ف دخلت موقع اجنبي صاحبته كتبت هذي الطريقه اللي راح اكتبها لكم بطريقتي ..

حبيتها وايد وسهله ما يبيلها شغل ووقت طويل للتطبيق
وماشاء الله الكل اللي كلها عجبته وللانه حار وسبايسي هذا اللي محلي طعمة اكثر وليمون بعد

وهي طريقه الهمبرجر حبيب القلب الكل 

ما اعتقد أحد ما يحبه
واذا في احد ما يحبه اسمحولي عنده خلل داخلي  ( امزح) 

ف سميت الموضوع

همبرجر دجاج بحامض الفلفل الحار Chili lime chicken burger

طريقة الهبرجر جدا سهله وبيتوتيه يعني مش معلب ولاكن شغل بيت
هذي الطريقه تنفع للحم بعد

المكونات 

مكونات على حسب العدد اللي راح تضيفينه مش شرط نفس قياسي

( طريقتي ل 3 اشخاص ) تقدرون تزيدون في الكميه اللي تبونها للحم أو الدجاج

شريحتين صدر دجاج مقطعه ( الافضل تاخدونه من غير عضم انا اللي سويته فصلت العظم من الدجاج )
1 م ك ملح تقدون تقللون الملح اذا حسيتو وايد بس انا احب الملح في الاكل
1 م ك عصير ليمون
1 م ص فلفل احمر ( يفضل استخدام الفلفل المجفف اللي ينباع في الحمعيات فيها حبيبات الفلفل مجففه
1 فلفل اخضر بارد ( تقدرون تستخدمون الاحمر أو الاصفر )
1 بصل اخضر
1 م ص ثوم مهروس 

الطريقه 
يفطع الدجاج

ويوضع في خلاط ل فرمه ويشغل الخلاط اهم شي انه ما نبي وايد يكون مفروم يعني نص ونص ( بس اذا حبيتي يكون مفروم لج الحريه انج تسوينه مفروم

بعدين يوضع الدجاج في وعاء كبير

نقطع الخضره ( فلفل بارد و حار وبصل وثوم )

يوضع فوق الدجاج

ونحرك

مضيف البهارات ( ملح وفلفل و عصير ليمون )

ونحرك المكونات جيدأ ( اذا حبيتو يكون الخضرا مع الدجاج في الخلاط بعد تقدرون تسون هذي الطريقه اذا حبيتي الخضره ما تيكون ملحوظ بس انا حبيته يكون واضح)

بعدين نكور الى الحجم المناسب للهمبرجر

وفي صينيه ندهنه ب زيت الزيتون ونوضع الشرائح الهمبرجر

ونغطيه ب بلاستيك ويوضع في الثلاجه 1 ساعه او الى وقت الطبخ

وبعدين نفلي الهمبرجر ب صينيه غير لاصقه يعني
non stick pan

ما ينفع تستخدمين اي نوع الانه راح يخترب عليج
اول شي نضيف الشرائح

تقدرون تقلونه من غير زيت بس انا استخدمت معه زيت
نصع بالملعقه زيت ونوزعه على طرف كل شريحه

اهم شي انه ما يحترق ونقلب الدجاج

ول اضافه طعم احلا واحلا نضيف شراح الجبن 

ونغطي ثواني بس لين ما يذوب الجبن

بعدين نرفعه و نقطعه من النص اذا بتستخدمين الخبز اللبناني بس اذا بتستخدمين الخبز الهمبرجر ما في داعي تقطعينه

نقلي الطماط ثواني بس

بعدين تستخدم خبز الهبرجر .. انا ما كان عندي خبز هبرجر ف استخدمت الخبز اللبناني . .

اول شي حطيت ما يونيز
وبعدين الهمبرجر و الطماط ونلفه ومقطع الخبز بالنص

وخلصنا ...

جميع الحقوق محفوظة لدي منتدى عروس فقط _ الصور شخصيه ومن كيمرتي
عدم نقل الموضوع فقط طباعة للتطبيق الشخصي 

موضوعي هنا 

http://forums.3roos.com/3roos665949/

vid: 

resource recipe : http://iowagirleats.com/2012/03/28/homemade-trader-joes-chili-lime-chicken-burgers/


----------------------

يوم السبت : العناية بالوجه ( حملة Smooth Make Over-تغيري بدون ماتشعري)

الرد في الموضوع 

http://forums.3roos.com/3roos664960-11/

--------------------

مساء الخيرات... 

اول ما قمت من الرقاد على صياح ولد اختي 

 )، بس قلت احسن بعد 
قمت غسلت وجهلي ب غسول كلينيك 

وبعدها نشفت وجهي وسويت تونر بايوديرما الاخضر 
بعدها رطب وجهي ب كريم no7 للبشره الدهنيه 

بعدين صليت الظهر و شربت كوفي وقعت على لاب توب ك العاده مافي شي يديد 

و بليل سويت لي ماسك بيتوتي ^^ عباره عن ( خمير و طحين الارز و روب و فيتانين e و قطور من الشاي الاخضر ) هذا الماسك للبشره المختلطه والدهنيه والعاديه الى ان يصير شبه عجينه .. واستخدمت فرشاه الوجه ووزعته بالتساوي على الوجه كامل و تجنبت الانف الانه هذا الماسك ينفخ الوجه ويشد البشره ... اما الباقي وضعته ب الثلاجه قلت باجر بعد بسويه باليل ان شاء الله 

حاليا ب وجهي ... ف بغسلته بالماي الدافي 

وبستخدم غسول كلينك 
وبعدها بتستخدم تونر بايوديرما الاخضر و بحط سيروم للوجه من بوبي براون الاني سمعت عن سيروم لوريال انه مضر ف تجنبته وشريت لي سيروم جديد وبعدين بضع كريم لليل من no7 للبشره الدهنيه 

وبث 

يوم الثلاثاء: العنايه ب الوجه حملة Smooth Make Over

الموضوع الاصلي هنا 

http://forums.3roos.com/3roos664960-6/

مساء الخيرات بنات

شحالكم ما شاء الله عليكم

اليوم الثلاثاء العناية بالبشره

اليوم قمت من النوم متأخره بسبب الادويه اللي اخذها وكان نومي متقطع ( اللهم اسألك الصحه والعافيه )

اليوم روتيني غير
كان عندي سامبل من كلينيك هذا استخدمته ايام وحبيته وابد ما احسب بشد بالبشره بعد غسلها شكلي بأخذ الحجم الاصلي لها بعد ما يخلص هذا الانه اللي من كليرس اللي ذكرته لكم سبب لي تقشر في البشره و جفاف مع انه يناسب البشره الدهنيه

وبسبب الجفاف وضعت كريم امرطب الاطفال من بوتس هو حلو ومش حلو بنفس الوقت بس الاني ما عندي كريم مرطب 

للجفاف الانه الجفاف في الخدين و الانف حاليا وتقشر البشره في الانف قلت بجرب كريم n7 من بوتس

والعصر سويت استخدمت جل سكراب للبشره عشان يزيل طبقه المتقشره والجلد الميت هذا اانا ما استخدمه وايد زاخذته من مطار سنغافورا

  

من ماركه la neige

strawberry yogurt peeling gel la neige

للطلب منه في 

http://web1.sasa.com/SasaWeb/eng/product/viewProductDetail.jspa?itemno=104945306001

ما شاء الله حبيته وهو ابد ما في حبيبات في هذا المنتج وهذا الحلو ..


هذي الصوره من النت للتوضيح اكثر لهذا peeling gel

ريفيو عن هذا المنتج

وب ليل راح اضع ماسك وهذا من بوتس لتبريد العين من التعب والاجهاد
هذا كان نصيحه من المدرس ال 
IT 
عشان اكثر الاوقات قاعدين على لاب توب ف هذا يبرد العين 

و هذا الماسك الكاكاو من ذا بيوتي ديري من زمان ما استخدمت الماسك
Chocolate Truffle Sheet Mask

للطلب منه 

http://web1.sasa.com/SasaWeb/eng/product/viewProductDetail.jspa?itemno=103479202054

ريفيو

وهذا كله ل هذا اليوم 

اليوم ما قدرت أسوي شي طبيعي ابدا من التعب اللي فيني .. 

 حياكم الله ^^ 

تجرتبي مع روجات ماكس فاكتور اليكسر Max Factor's Elixir Lipstick

الموضوع الاصلي 

http://forums.3roos.com/3roos661951-8/ 

السلام عليكم 

 بنات شحالكم ما شاء الله على مشاركتكم في الموضوع وايد استفدت من خبراتكم ومعلوماتكم .. 

 خلوني اكتب لكم عن روجات ماكس فاكتر اللي نزلو قريب عندهم مجموعه الوان تجنن وخاصه المات 

 حبيت يكون الرد ك نصيحه للجميع للي يحب يجمع او ياخد روجات 

 وهي اللوان تثبت في شفايف بس بشكل خفيف 

 وهي من مجموعه كوليشن Max Factor's Elixir Lipstick 

 انا عندي الصراحه 10 الوان ولاكن خلوني اخبركم احلى الالوان اللي حبيتها 

 هذي الصوره 

 واللي عشقته اكثر شي هو الاحمر الصراحه لونه وايد حلو يعني الاحمر اللي احبه ... 

 وايضا اخر لون للي على اليسار ودايما خلص واليمين  وكانت اخر حبه سبحان الله الفلبينيه خشته عن وحده كانت تبي منه ولاكن خلص وقالت لي هذا لج حبيت اللون روعه ويثبت في الشفايف بس انا اضع فوقه قلوس يعني مش وايد يبقى اللون في الشفايف  اذا مع القلوس ولاكن لما تمسحينه اللون يبقى في الشفايف بس بشكل خفيف .. لو استخدمتيه ك مات ما عليه قلوس بيثبت اكثر حتى لو شربتي ماء بس لما تلاحظين اللون موجود حتى لو ثبت في كاس الماء 

 الاسماء اللروجات 

 ارقامهم من اليمين الى اليسار  

 825 715 857 711 735

 وفي بعد اللي في لمعه بس مش حلو من بينهم بس ما صورته لكم الانه ما يستاهل الصراحه 

 قد ما تقدرون اخدو المات الانه يستاهل


فيديو من قناة ماكس فاكتر
ولوكات من ماكس فاكتر  


لوك للعيد فيديو بالعربي من ماكس فاكتر 

مكياج مالين مونرو للتطبيق - True Marilyn Monroe Makeup look

السلام عليكم

حبيت اكتب لكم عن مكياج مالين مونرو
وهذا اللوك مشهور من ايام 60 ستينات او الخمسينات 

شفت له دروس كثيره ولاكن هذا الدرس وايد استفد منه وحبيته

وسهل للمبتدأت اللي ما عندها خليفيه عن طرق المكياج ك بدايه  ل تعليم اللوكات 

وهي اسهل طريقه للتطبيق 

وهذا اللوك يكون للشكل الناعم وويعطي للعيون  شكل العيون الناعسه وهذا أحلى شي في ها اللوك 

بس اللي عليج اختيار الشادوهات الترابيه يعني من البني الفاتح الى الغامق  

وجل الاي لاينر 
و ماسكرا مكثفه 
أو تركيب رموش 

وانا استغرب انه ايضا كانت تستخدم الفازلين ل تلميع الخدين وهذا الشي شفت من أحد العوايل انها تستخدم الفازلين قبل لا تضع المكياج مع اني اعرف انه مكونات الفازلين بترول وما اعرف كيف يلصق البودر مع انه الفازلين يعطي لشكل البودر طبقه تبين  

بس اللي لاحظته ان لازم يكون الفازلين جدا خفيف .. 

اخليكم مع الفيديو 

لتحميل الفيديو : اضغط هــــــــــــنا  أو هنــــــــــــــــــــــنا 

في ترجمه في الفيديو تحت على ايدج اليمين مكتوب 
Automatic caption avilable on your languge 
اضعطي عليه وبعدين اضغطي عليه مر2 
وبتشوفين اختيار فوق مكتوب
translate caption 
وبيظهر لج لسته ترجمه واختاري 
arabic-العربيه 
بس مش أكيد الترجمه تكون صحيحه من خلال النطق ف يفضل 
انه تفهمون من الخلال اللغة الانجليزيه 

هذي الترجمة شغاله في اليوتيوب بس في التحميل الفيديو مش موجود 

بعد من اسرار مالين مونرو

للبشره كانت تستخدم  
الموقع اللي تقدرون تطلبون منه 


http://www.ernolaszlo.com/shop-by-category-make-up-face/c2_38_39/p78/duo-phase-face-powder-loose/product_info.html 


http://www.ernolaszlo.com/shop-by-category-moisturizers-moisturizers-for-night/c2_14_32/p31/hydraphel-intensive/product_info.html


 Erno Laszlo Active pHelityl Cream  للبشره كانت تستخدم وهذا المرطب للبشره الجافه الى شديدة الجفاف 
 هو متوفر في بعض الصيدليات 

وايضا ك برايم  بعد المكياج كانت تستخدم الفانزلين أو نيفيا

اما كريم الاساس  
 كانت لها مختلف الاصناف  : 
 Elizabeth Arden Pat-A-Creme foundation
Erno Laszlo  foundation 
Erno Laszlo Duo-Phase Face Powder بودره 

لل هايلات كانت تضع في مختلف الاماكن 

و للشفايف كانت تضع اكثر 5 ألوان ( لون الاحمر من تحديد و روج و قلوس وهايلايت) 


وكانت تعطي منظر حلو للشفايف وتركز على الجوانب 

واكانت ايضا تزيد من طول الحاجب 

وبنسبه للرموش كانت تستخدم نص الرموش لتعطي منظر جذاب للعين الناعسه 

وها نوع متوفر في اغلب محلات المكياج 

يوم الاحد : عناية باليد ( حملة Smooth Make Over

http://forums.3roos.com/3roos664960-4/

صباح الخير بنات .
ما شاء الله عليكم كل بنت عنايتها مختلفه والادوات مختلفه ايضا ..

اليوم الاحد العنايه باليد 
الصباح رن تلفوني ساعه 8 ونص مش عادتي اقوم هذا الوقت او أحد يزعجني فقلت ليش ارجع انام اخلني اقوم احسن واكل فطوري واقعد على الاب توب ..
ف سبحان الله انا منزله في الايفون برنامج جدول ومن ضمنه وضعت كل يوم شو لازم اسوي ف رن التلفوني ساعه 9 تذكير انه عندي عنايه باليد ..

فقلت خلني اشوف شي جديد وهو السكراب ف بحث و لفت نظري هذا المقشر حبيته الانه من مكوناته بودره الكاكاو الغير محلاه قلت دام عندي الحينه قبل لا تخلص العلبه الاني احب اشرب حليب الكاكاو الدافي في اي وقت

أو ل شي جهزت عدتة الادوات من ماء دافي وصابون و فرشاه وسكراب التبيض من opi و مزيل الجلد الميت و حديده ل ازاله الحلد الميت و مبرد و معقم اليد وكريم الترطيب و زيت للظافر ( انا وضعته في علبه عباره عن فيتامين E و زيت زيتون )

1- وضعت ايدي في ماء دافيء دقايق
2- استخدمت الفرشاه اليد مع صابون وفرشت ايدي واظافري دقائق

3- وضعت او شي سكراب من OPI هو مثل الزبده ما حسيته سكراب ابدا ومنها ينعم وبعدها غسلته

4- فركت ايدي في سكراب اللي سويته homemade ( عباره عن سكر الخشن و بودرة كاكاو و ليمون و زيت )
بعدها حسيت بنعوووومه الانه تجربتي الاولى وللي لاحظته انه ايدي تفتحت شوي خليته في يدي تقريبا 5 دقائق وبعدين غسلته

5-بعدها وضعت جل من سالي هيلسون بالصبار على اظافر ل ازالة الجلد الميت
6- بعدها استخدمت الحديد ازاله الجلد الميت تحت الاظافر وفي الاظافر وبللت الفرشاه ومسحت كل ظفر
7-وبعدين غسلت ايدي
8- بعدها استخدمت المبرد للتلميع الاظافر

9- بعدها وضعت كريم من نيفيا هذا الكريم دايما استخدمه لين الحين ما استغنى عنه مع انه ايدي جافه ولين الحين بس احبه الانه لاحظت ب أظافري تغير في الشكل
10- اخيرا وصعت زيت في الاظافر وسويت مساج خفيف لليد والاظافر .

وخلصت ل هذا اليوم ( الاحد)