Thursday, February 21, 2013

ماسك المبتكر لشد البشره وتجنب الشيخوخه المبكره والمتأخره× صور وتجربتي الخاصه


السلام عليكم ورحمة الله وبركات
شحاكم يعرايسنا الحلوين
لكم وحشه الصراحه من زمان ما نزلت لكم موضوع جديد
في ذيك الفتره كنت ابحث وادور عن افكار اكتبها لكم بشكل عام والحمد الله لقيت موضوع اكتبته

اليوم موضوعي غير بتكلم عن طريقة جدا سهله اكتشفتها من اسابيع
ومع الاستمرار حبيت اكتب تجربتي الناجحه في هذا الماسك
وهو
ماسك شد البشره Lifting face mask
وهذي مشكله العصر ومشكله مستمره لا نهايه لها ولاكن الواحد أبدا من يفشل
بتكلم عن شئ جدا مهم في هذا الماسك اللي يساعد على شد البشره و تجنب الشخوخه المبكره ومتأخره
هو طحين الارز اللزق و ب الانجليزي تنكتب
glutinous rice flour
معلومات واقيعه من هذا الارز اللزج
Sticky rice
وله مسميات كثيره ومنها
الارز الحلو , الارز الشمعي , الارز بوتان , الارز بيرون, الارز موتشي , الارز اللؤلؤي, بولوت
sticky rice, sweet rice, waxy rice, botan rice, biroin chal, mochi rice, and pearl rice, and pulut
وينزرع في الصين وميانمار وفيتنام وبنغلاديش ولاوس واليابان وكوريا والفلبين وتايلاند وماليزيا وتايوان وكمبوديا وإندونيسي والان يتم استخدامه في في جميع أنحاء جنوب شرق في وصفات وشرق آسيا..
وله كثير من اصناف ل صناعته من الحلويات و المأكولات الشهيه
وفقا للاسطوره  أن سور الصين العظيم تم استخدامه ل بناء الجداره وعندما اثبت المحاليل الكيمايه ب أخذ عينيه من جدار سور صين العظيم تم تأكيد بهذأ وانه حقيقه علميه
ف مابالكم ب استخدامه على البشره ^^

واتذكر اني أكلت منه أخوي كان راجع من الصين  وما شاء الله ما قصدر ب الحلوايات وكان من الكراتين المخلتفه موجود حلو وبكريات مشكله وبصراحه كان يجنن وطعمه عذاب وداخله مثل المكسرات ولاكن تحتارين لما تأكلين ما تعرفين شو ب الضبط مصنوع من حلاته ( اشتهيته ابي منه الحين )

وهذي الصوره

فوائد المكونات
طحين الارز اللزج
من فوائد انه يشد البشره و يفتحها و يزيل البقع ويجدد البشره ويمنع من ظهور التجاعيد المبكره
صفار البيض
يوجد فيه فيتامين أ اللي يوجد في كريم رتن أ اللي يساعد في توحيد لون البشره يوقف من انسداد المسامات والحبوب والبقع
ويوجد ايضا  زنك و بوتاسم و بروتين ودهون مشبعه  اللي تفيد البشره
زيت للبشره ( اي نوع زيت )
يساعد على الترطيب و يمنع جفاف الماسك في البشره طبعا على حسب اختيارج لنوية الزيت له فائده قيمة للبشره
الماء
ل وجود ثاني اكيد الكربون ويكون فيه اكسجين للبشره  ويلين الماسك ويساعد في تحريكه
روب
له فوائد كثيره للبشره ومنها للشيخوخه وملين ومرطب للبشره

المكونات

بتحصلون هذا النوع في ويل مارت الاني اخذته من عنده وبعد بتحصلونه في كارفور ولولو واعتقد في الجمعيات الكبيره 


 نستخدم ملعقه القياس وتكون نفسها للاستخدام قياس 1 TB SP
 2 TB SP  glutinous rice flour
TB SP ملعقة روب
2 lملعقتين شاي من اي زيت ( زيت فيتامين اي- زيت الشاي الاخضر – او اي نوع زيت تفضلينه )
1 صفار بيض
رشه من ماء ايفيان واذا ماعندج يستخدم الماء العادي لاكن نستخدمه نقطه بس 


الطريقه :

او شي نضع صفار البيض ثم الروب ونحرك


ثم نضع نقاط من الماء و 3 نقاط من الزيت انا استخدمت نوع زيت مخفف وهو فيتامين اي هذا النوع خاص للبشره سواءا للشرب او يدهن به البشره الانه صافي وغير سميك
ثم نحرك


ثم نضع من طحين  الارز اللزج نضع 2 ملعقه صغيره  ثم نحرك  

نلاحظ اصبح قوامه شبه  سميك ب هذي الحاله نرش الماء فقط مره واحده  


بعد الرش بالماء اصبح قوامه شبه كريمي 



بعد وضع الماسك نتأكد ان بشرتنا نظيفه 

طريقه وضع الماسك:

قبل وضع الماسك نتأكد ان بشرتنا نظيفه
نضع الماسك بالتساوي بستخدام فرشاه وضع الماسك
يكون الماسك على البشره الى ان تحسين احساس شد البشره و جفافه بالكامل تقريبا 40 دقيقه الى ساعه


ملاحظاتي المهمه للماسك :
هذا الماسك يستخدم مره واحده فقط في الاسبوع
الماسك نخلصه لمره واحده يعني ما تقدرين تحتفظين به الانه البيض يفسد لازم نستخدمه طازج
احساسي عن وضعه بادر ولاكن كل ما جف الماسك كل ما احسستي ب شد البشره
وضعت هذا الماسك بالرقبه والوجه الانه الرقبه تكشف عمرك ف لازم نعتني بها
هذا الماسك له رائحه غير مستحبه بسبب البيض ف اذا تبين الريحه تختفي يشكل خفيف نضه زيت الشاي الاخضر ل اختفاء الريحه لاكن هذا لا يكفي للانه البيض مهما حاولنا نخفي ريحته لا يختفي لاكن فائده هذا ماسك عجيبه و يناسب جميع انواع البشره
انصح وضع الماسك بالليل
بعد ما يجف نغسل بالماء الدافي ويتبع بالصابون المناسب ل بشرتج ويتبعه ايضا روتين العنايه

بعد غسل الماسك لاحظت انه بشره اصبحة افتح مما عليه ومشدوده ( لا اله الا محمد رسول الله) ومع الاستمرار ان شاء الله اكيد بلاحظ نتائج حلوه باذن الله
 عند النقل ارجوا ذكر المصدر 




هديه مني لكم بعض الوصفات الشهيه اللي تم تجربتها بستخدام طحين الارز اللزج  

وعشان ما اظهر من هذا الموضوع جربت هذا السويت بالقرع البرتقالي صراحه يم يم طعمه خيالي اتمنى تجربونه 
وهذا الفيديو حتى طعمه مألوف مثل العصيده ان شاء الله اذا حاولت بكتب له موضوع من تصويري القرع اهنا صعب شوي ف انصح تشترين القرع المهروس والجاهز في كارفور بتحصلونه تجنب الفاصوليا ما استخدمته بس القرع و كريات الارز    

الطريقه 2


  هذا كيك الارز للصالونه هذي اكل كوريه

  

هذي الصالونه  


sweet : سويت 

sweet 



هذا اللي انا اكلته والله طعمه يجنن ف اذا سافرتو الصين او كوريا لا تفوتون هذي الفرصه
جربوه بيعجبكم