Friday, March 1, 2013

سيروم من بوبي بروان -Intensive Skin Supplement Serum Anti-age Multi-action

السلام عليكم 

الموضوع بيكون 

review 


ريفيو ل منتج اشتريه للمره 2 وان شاء الله ال3 بعد

وهو
سيروم من بوبي بروان
اسمه
Intensive Skin Supplement Serum Anti-age Multi-action
وهو الفائز على اعلى مرتبه شراء من محلات بوبي براون في اروبا واسيا وشرق الاوسط 






خلفيه عن السيروم ( من خلال الموقع العربي 

هو سيروم متطور متعدد المنافع يحسّن مظهر البشرة حيث يساعد على منع ظهور علامات التقدم في السن الواضحة. خلاصة خشب البتولا الأبيض تقلل مظهر الخطوط الرفيعة الجافة، بينما تساعد خلاصة العنب على تنقية وتفتيح البشرة

What it is:
A quick-absorbing, antiaging serum that improves the skin's appearance.

What it does:
This advanced, multibenefit serum improves skin's appearance as it helps prevent the visible signs of aging. After just four weeks' use, skin looks firmer, smoother, more even-toned, and radiant.

What else you need to know:
Dermatologist tested. Non-acnegenic.


مصنوع من 

White Birch Extract: Reduces the look of fine, dry lines.
-Grape Extract: Helps clarify and brighten the complexion.



هذا السيروم اول ما جربته كان وايد حلو على البشره وتمتصه بسرعه وخاصه اذا نوعية البشره جافه 

انا جربته في فصل الشتاء كانت بشرتي جافه ومحتاجه ترطيب 

كنت متردده بالبدايه اني اجربه لاكن شجعتني (صديقتي واختي بنفس الوقت )وقلت انا مب خسرانه شي 
والحمد الله جربته 

طبعي دايما استخدم السيروم فقط ب ليل ما افكر استخدمه في الصباح ابدأ 

 فائدته ومفعوله تبدأ عند النوم الانه البشره تبدأ تكون خلايا تفيد البشره

وشي الحلو انه لما انش من النوم ما شاء الله وجه منور ولاحظت اختفاء بعض الخطوط اللي بدأت تتكون مقابل العين لاكنها خفيفه جدا لاكن انا لاحظتها ب مرايه 10× 
وهذا لي حببني في السيروم 




قوام السيروم مثل الجل وخفيف 
ينفع ل جميع انواع البشره الا الحساسه (سبب بذكره في اخر الريفيو 
 الفئه اللي لازم تستخدمه من 20+ وفوق
والحلو انه ما يسألونج كم عمرج عشان يقولون لج الاني ما احب اقول عمري ( فخاطري هو ش دخلهم كم عمري او كم طولي  الصراحه هذا الشي لازم ما يسألون ب أمور خاصه مثل هذي) 


مثل ما هو واضح في الصوره انه مكتوب يستخدم 3 نقوط من السيروم 
في الصباح والمساء

العلبه تكفي ل 5 شهور بنسبه لي الاني استخدمه ب المساء 
وما شاء الله من الصوره خلاص بقضي عليه بعد ايام 



لاكن الشي الوحيد للي ما عجبني هو سعره من خلال حجمه الصغير 
حجمه 30ml 
ومدة فعاليه السيروم تبقى الى سنتين من خلال 
24m يعني سنتين 
يعني  من اول ما تفتحين العلبه  

اللي تفاجاءة انه سعره يختلف لما شريته في باريس غاليري ولما اخذته من محل بوبي بروان السعر وايد يختلف 
السعر في محل بوبي بروان اعتقد ب 200 درهم ( هذا اللي اذكره في المحل لاكن بتأكد من السعر )  
لاكن في محل باريس غاليري 300+ لاكن بتحديد ما اذكر كم  

ف قلت  اخذه من محل بوبي بروان 

عيوب اللي لاحظتها 


بعد ما تحولت بشرتي الى مختلطه حسيت بشرتي ما تشربها بسرعه وبتالي يعطيني احساس ب اللزوجه الخفيفه لاكن بعد دقائق تبدأ تمتصها البشره ويختفي هذا الاحساس 

هذا العيب الوحيد اللي لاحطته

( يمكن اكون كثرت من السيروم  ف سبب لي هذا الاحساس   الاني استخدم اكثر عن 3 نقاط يعني اضخ مره واحده واخلصه يعني يكون اكثر من 3 نقوط ) 


 تنبيه : ما ينفع للبشره الحساسه الاني جربته على بشرتي لما كنت اضع كريم رتن أ سبب لي حرقان على البشره وما تحملته ف تجنبت استخدامه لما احس بشرتي تكون حساسه  بسبب كريم التقشير 



اذا تين تقرئين عنه من هنا 
http://www.sephora.com/intensive-skin-supplement-P270591?om_mmc=esv400382-GG&om_kwpur=341810135&ppc_crid=14229678137&site=us_search&esvcid=S1362146925_ADOGOB_AGI4053062_CRE14229678137_TID341810135_RFDd3d3Lmdvb2dsZS5hZQ%3d%3d