حمام التبيض وتنعيم سكراب كريم كاب للعروس kαρ scяυв ƒσя вяı∂єs+ تجربتي له

السلام عليكم رحمة الله وبركاته 
موضوعي في منتدى 
http://forums.3roos.com/3roos737856


شحالكن خواتي (يشمل العرايس وانسات بنتوتات والامهات  )

لكم وحشه منزمان ما نزلت موضوع سواءا كان بأحد الاقسام اللي احب اكتب فيها  

طبعا الاغلب يعرف سبب انتقطاعي من المنتدى بفتره وسبب هو اتجهزي للقفص الزوجي  ولله الحمد.. الله يبلغ كل بنت بالزوج الصالح ول هذا السبب حسيت انه موضوعي مناسب اني اكتبه لكم 


كل عروس تحلم ب نعومه وصفاء وتوحد لون البشره .. هذا اكيد ما راح تلاحظين ب فقتره قصيره يباله استمرار وعلى حسب نوع بشرتج اذا تتقبله او لاء

سمعت وايد عن كريم كاب وفوايد الممتازه واكثر البنات يستخدوم معاه منتجات تقشر البشره 

صديتقتي ام ميره نصحتي اني اجربها وشله الطيبه hi guys :f 


سبحان الله ما كان على بالي ابدا اني اجربه فتره ملجتي ابدا بس كنت اسوي حمام المغربي وخلاص وماسك السدر وكنت بعد اتكاسل في اغلب الايام بسبب دوامي وبسبب اني ما كنت ارتب جدولي بالعنايه الشخصيه ويوم قرب العرس حسيت اني مصخيتها وايد  وقلت يا عروس تأدبي احسن وابدي وتجهزي مثل باقي العرايس 

وما ندمت ابدا والحمد الله لاحظت فرق بتفتح الاماكن اللي فيها بقع واثار خفيفه وقلت لازم يكون كل اسبوع 2 مرتين مع الترطيب العميق بعد هذا الحمام

خلونا نبدأ بسم الله 

اللي نحتاجه 
نصف علبه كريم كاب بتحصلونه في الجمعيات الكبيره او محلات نزيه 

نصف كيس من ملح البحر ( اي نوع تحبينه ) اللي استخدمته البابايا 

1م ك من كركم الجسم ( مش اي كركم ) نستخدم الكركم الخاص للجسم ( بتحصلونه عند العطارين او الاعشاب ) 

2 م ك من النشا 

4 م ك من الحليب البودره 

الطريقه :


تضغ كل المكوانات داخل وعاء كبير ونبدأ الخلط الى ان يتجانس وبتشوفونه اصبح مثل العجينه 

مثل اللي تشوفونه في الصوره

بعدين نضعه في علبه ونستخدمه هذا المقدار ببكفيكم 5 استحمامات او على حسب الكميه اللي 
بتأخدين منه


استخدامي له : 

دايما اخذ منه مقدرا واستخدمه مع :
عصير الليمون
واضع معه اي نوع مقشر اضافي مثل مقشر الخوخ

ويصبح مثل الكريمه

في الحمام : 

بعد ما اغسل جمسي بالماء الدافي اوزع السكراب على جسمي كامل واستخدم الليفيه وافرك كم منطقه ب جسمي بعد 15 دقيقه ارجع اغسله ب الماء الدافي واحب استخدم بعده غسول دوف الكريمي عشان يزيد من نعومه جسمي 

بعد الاستحمام : 

انشق جسمي ب فوطه انصدمت من النعومه اللي لاحظتها و هذا لا يعني اني ما ارطب جسمي استخدم مرطب جسم اي نوع احبه على حسب مزاج وروائح اللي احبها 

ملاحظاتي له : 

تفتح بشرتي ما ء الله ونعومه شي خيالي بس قاعده امسح إيدي من نعومتها  اللهم لا حسد
الركبه لا حظت انها تفتحت ولله الحمد
من الخضر الى الارداف لاحظت فرق بسيط بتغير لونها الى الافصل

لا نستخدم على وجه للاني جربت وطلعت لي حبه  ف لا تجربونه في منطقه الوجه ولا تقولون ما قلت اذا جربتوه الاني حذرت لا تسخدمه في الوجه 


وخلصنا 

اتمنى اني افدت كل عروس ب طريقتي  والله يعطيكم العافيه  

جميع الحقوق محفوظه لدي @ منتدى عروس + تصوير شخصي = ارجو ذكر مصدر عند النقل