❀ ماسك البطاطا الحلوه ❀ ل بشره صافيه sweet potato mask 乂

موضوعي  هـــــــــــنا 

http://forums.3roos.com/3roos733912/



السلام عليكم
لكم وحشه  الصراحه ومن زمان ما كتبت لكم موضوع

وسبب انشغالي ب الفتره هذي الله يسهل امري يا رب ( الحمد الله عروس تعرفون 

الوقت ضيق والتزاماتي وايد ب امور الحياه الخاصه والعمل )

المهم خلونا بالموضوع 

اليوم موضوعي غير ومميز بعد ما درست الموضوع عدل واكتشفت القيمه المفيده في هذي

الوصفه وهي متوفره في محلات الخضروات ومكونات في كل بيت
عنوان المووضوع هو

ماسك البطاطا الحلوه لجميع انواع البشره


اكيد في بالكم احين كيف نحن سمعنا عن ماسك البطاطا العاديه ومعروفه لاكن ابدا ما خطر على بالنا فكره البطاطا الحلوه للبشره سواءا عاديه او دهنيه او جافه او حساسه وبسبب قيمتها الغذائيه وطعمها يم يم ويتمز بطعم السكر وطعمه سبجان الخالق غير عن البطاطا الحلوه المعروفه اللي نسميه (فندال) وعلى حسب اكيد منطقكم وشو تسمونه انتو

لاكن ها النوع من داخله برتقالي ( احب اللون البرتقالي وايد ) ونشوف في كثير من البرامج وخاصه في قاره اسيا مثل الكوريا ويابان وصين عندهم هذا في منتجات العنايه بالبشره ويطبخونها فقط في فتره الشتاء والخريف ويحبونها يسمونها بطاطا الحلوه المشويه

فوائد البطاطا الحلوه للبشره


البطاطا الحلوة تحتوي على أوميغا 3 والأحماض الدهنية المغنيسيوم والفوسفور والبوتاسيوم والصوديوم والزنك والفيتامينات A، B، C، K و E
وهي من اقوي الخضروات المغذيه لبطاطا الحلوة تعتبر مصدرا ممتازا للوالمركبات المعززة للصحة الطبيعية المعروفة باسم بيتا كاروتين و الأنثوسيانين. ومن المعروف بيتا كاروتين للحد من خطر العديد من الأمراض المزمنة، بما في ذلك السرطان وأمراض القلب والأوعية الدموية، المرتبطة بالعمر الضمور البقعي وإعتام عدسة العين. الأنثوسيانين تحارب تصبغ ويوفر فوائد مضادة للالتهابات للجلد. فيتامين A، B و C لها خصائص مضادة للأكسدة التي تساعد في محاربة الأضرار الناجمة عن الجذور الحرة.
يعالج سواد تحت العين و التجاعيد والانتفاخ العين
بنسبه للبشره يعالج من التجاعيد والخطوط الرفيعه
الحبوب والاثار البشره
يحافظ على مرونه البشره
مضاد للاكسده
يعالج البشره التعبه والمجهده


طريقه الماسك : البشره المختلطه و الدهينه


  نشوي البطاطا الحلوه ونخليها تبرد وبعدين ناخذ مقدار 4 م كبيره او نص البطاطا
الحلوه
ونضعه في الخلاط ( الافضل انه ما نسلقه عشان الفوائد ما تروح ) اما الشوي او بالبخار
نفتح البطاطا من النص وناخذ بالملعقه الكبيره 3 ملاعق من البطاطا الحلوه


1 ملعقه صغيره من العسل الابيض
4 ملقعه كبيره من الحليب الطازج انا استخدمت حليب اللوز ( بدائل روب او حليب او حليب الصويا )
اذا بغيتي يكون سميك 2م كبار من الحليب







تضيف المقادير في الخلاط انا استخدمت خلاط الاطفال ونخلط عدل لازم يكون ب هذا الشكل كريمي وسميك 










طريقه الماسك : بشره الجافه أو الحساسه أو العاديه 

1 زيت الافوكادو ( بدائل اي زيت تحبينه )
2 م كبيره من الروب
3 ملاعق من البطاطا الحلوه



الاستخدام :


يوضع بعد الخلط ب علبه ويوضع بالثلاجه قبل الاستخدام ( يبقى في الثلاجه اسبوع ويستخدم 3 مرات ب الاسبوع )

ويستخدم ب المساء بعد غسل الوجه يوضع الماسك الى ان يجف بعدها يغسل بالماء الدافيء ثم البارد عشان نغلق مسام البشره


وخلصنا من الموضوع اتمنى يكون واضح ومفهوم 

وانتظروا مواضيعي الجديده باذن الله