Wednesday, May 9, 2012

قصتي مع علاجي من الحبوب ( حب الشباب في سن 20 plus +)


السلام عليكم

بكتب لكم عن تجربي بنسبه للحبوب واللي مريت فيه من غير ذكر اسم الدكاتره فقط المستشفي


ولاكن بكتبه  في المدونه وليس في المنتدي




( ولحد الان اعاني بس بشكل قليل ولله الحمد )

راح تكون قصه طويله 
 
كتبتها  قبل في المايروسفت اوفس وكانت 1226 حرف ^^* 


فافضل تشربون شاي أو كرك ^_^ 



قصتي 


15 yrs old
من صغري (عمري 15 ) سن البلوغ كنت اعاني من حبوب ولاكن كلها في منطقه واحده وهي الجبهه  وبالاغلب البشره المختلطه تكون الدهون في

T zone




بمعني الجبه الانف و الذقن ولاكن الغريب كان في الجبه  ( وكان يختفي ويرجع لي الى سن 20) ما كنت افكر فيه كان همي دراستي وصحتي
بس اللي كنت اجربه هو ماركه نيفيا وبعدها نايتوجينا  وبعده هملايا
بس بعدين  خلصت دراستي المدرسيه ولازم ابدأ اخذ شهاده دراسة العليا  قلت يا الله لازم الحين اهتم واشوف سوالف الماسكات ..
والخ الانه اشوف بنات ما شاء الله وايد مهتمين وبشرتهم صافيه


فقلت ليش ما استخدم الماركات الغاليه يمكن يكون فيه مفعول 

أول ماركه استخدمها وهي لأنكوم (كنت وايد احبها استخدمتها سنتين ) اللي لاحضته ان صارت بشتري احسن وافضل من قبل   بس مش النتيجه اللي ابيها


بس بعدين قلت اوقف واشوف ماركه 2 وهي كلارنس جربت كلارنس من كثر ما مدحوها  بس جربتها اقل من سنه ما شفت نتيجه حلوه قلت اوقف
وبعدها 


كلينك clinique
وديور Doir
ايستي لودرestee lauder 
شاسيدو shiseido


,وبعد ماركات 2 بس ما اذكر شو 


شفت نتيجه حلوه ولاكن قلت بعد ابي يشوفني دكتور جلديه 


كانو اهلي وايد يقولون شو ها حب الشباب  وما ادري شو والخ
قلت اشوف يمكن فيه حبوب خاصه ولاكن ها الشي يطلب اني اروح عند دكتور خاص للبشره


بس قلت قبل استخدم فيتامينات خاصه للبشره وجربت لاحضرت فرق ولاكن ما شفت الحبوب قلت نفس الشيئ



بعدين  قلت لازم اروح المستشفي واراج يمكن يكون عندي سيستم ملخبط
ورحت مستشفي النور عند دكتور لبناني  اول ما شفت بشرته قلت  استغفر الله انا مش من النوع اللي اشوف وجه الريال واقعد اطالع  فيه من  حيث الملامح والخ لا ء ) قلت صدق ها دكتور بشره الانه بشرته مثل الاطفال وتعرفون اللبنانين ويايد يهتمون بها السوالف

ومستحيل تروحين عن دكتور بشره بشرته حبوب وفي خاطرج بتقولين ( اول شي عالج نفسك قبل لا تعالج الناس ) 


قالي عندج حب الشباب ( تفاجات وبعمر اللي انا فيه انه يصير حب الشباب ) قلت له انا اعرف انه حب الشباب من مرحله البلوغ الى 20 سنه وبعدها يوقف


قال لا دراسيا اغلب الاعمار في نص 20 سنه يكون فيه حب الشباب
طلب مني فحص دم وعطاني قبل لا يشوف النتيجه حبوب بس مش الروكاتين نوع 2 للاستخدام



قلت له عن ظروفي الصحيه واذا بيأثر ولا لاء قالي بيأثر ولاكن مش نسبه كبيره فقلت يا الله اتوكل على الله
المشكله ما ااعرف اسم دواء أول حرف
T  و
وعلبه ازرق وابيض وحبه لونها احمر مثل الجل
وهو الدواء من امريكا
جربته 3 شهور
جسمي وبشرتي صارو جافين بشكل كبيره ومع هذا عطاني صابون وكريم للحبوب
 acne-aid
بسبب لي جفاف وماحبيته الانه نوعه صابون الدائري وغير سائل
 
كريم ديفرين
dalacin t lotion


وكريم شمس ما شفته في الصيدليات الباقيه اول مره  ما اذكر شو اسمه موجود في صيدليه النور ومرطب للجفاف بعد موجود في نفس الصيدليه


حسيت بتحسن كبير بنسبه للحبوب ولاكن مع الظروف الصحيه بعد استخدامي للحبوب خلال 3 شهور مع الفحص بعدها صار عندي ارتفاع في نسب سيستم الدم ( تفاحاء الدكتور قالي لازم نوقف من الحبوب تفاجات من ها الرد لما شاف نتيجه الدم )

مع هذا الدكتور اللي اراجع عنده  ( من سنين ) انصدم من التغير الكبير بين الفحص قبل 3 شهور وبعد 3 شهور بشكل كبير وقالي شو سويتي شو اخذتي بالضبط وخبرته قالي انتي تبين تضرين عمرج اكثر من الضرر اللي وصلتي له 

( كنت بصيح) بخاطري اقول  لا مستحيل بعد ما وصلت للنتيجه



بس صار تغير كبير في النفسيه من حيث اللي كنت  ابي اسوي ومتشجعه له ( توكلت على الله ) 

 ف وقفت علاجي وابد ما رحت اراجع الدكتور الجلديه بس استمريت ب استخدام الكريم وبعد فتره وقفت من استخدامه وصارت بشتري افضل من قبل بعد ما رحت عنده



طبعا بعد سنتين من بعد اللي صار وبعد كم سنه بعدها  و

بعد ما خلصت من الدراسه وتخرجت ما كنت اعاني من الحبوب بس شو صار


كنت واضعه كريم اساس يخلي البشره صافيه وهو


BB

وهذا الكريم مش متوفر في البلاد شريته برعه وكنت استخدمه خارج البلاد  الانه جوهم يساعد ما سبب لي التهاب في بشرتي بس لما استخدمه في بلادنا ما شاء الله الجو عندنا اهني وايد حلو _ دمار الصراحه وانا ما استحدمته الا ها اليوم بالذات يوم التخرج


2 يوم من تخرجي ظهرت لي حبوب 4 اماكن في الخد تفأجات كانت الحبه كبيره واايد حمره وتعورني انا تحريت هذي عين وحسد 

 عين ما صلت على النبي ( اللهم صلي وسلم عليه ) الله اكبر



وبعد ها اليوم بدأ يزيد ويزيد  استغرب فقلت لا هذا مش طبيعي الكل يتحرا انه فيني جذري من كثر الحبوب اللي صارت لي


وكل ما اجرب شي في وجهي يزيد الحبوب ويكون احمر 



 ( وللي في بيت وبالاخص ماماتي وباباتي واخواني  احتشروا من ها الوضع وقالو لي وقفي من اللي تستخدمينه من كريمات وماسكات وسوالف ال2 )



بس  تأكدت انه هذي عين من الحضور انا ما اعرف من بالضبط من البنات أو من أحد حتى وصلو انه  امي بدأت تقراء لي ب  ماء مقراي عليه  بالقران ويهي كان يحرقني واحس ب تنميل  سبحان الله



بس مع هذا قلت لازم اروح واتابع عند دكتور



والاهل ما قصروا خاصه بنات العم حبروني اروح عند احد المستشفيات وعطوني لسته اسامي دكاتره في مستشفيات مختلفه  حريم وريايل
قاموسي ( حريم مستحيل اروح عندهم الانه فيلسوفات و 
NOWAY 

i will waste my time with them woman DR
وتعرفون الحريم ما احسهم اوكي بنسبه لي فيلسوفات بشكل ما اتحملهم  

 افضل الريال اكثر عن الحرمه الانه  خبرته أكثر ويعرف يتصرف و متمكن ويقولج الصح طبعا مش الكل الاغلب وهذا اللي لاحظته مع تجربتي من حيث الاثنين


شاطرين  فقلت لا انا ابي واحد يفهم حالتي ويعرف كيف يوقف  من ها الحرب اللي صاير في بشرتي



قلت احسن اروح  مستشفى الامارات الفرنسي مختص جلديه ودكتور ما اذكر يا سوري يا لبناني واعتقد انه هو الوحيد المختص عندهم 
من غير ذكر اسم الدكتور



رحت له وخبرته عن الدكتور اللي كنت اتعالج عنده ومع هذا قالي لازم فحص دم انا ما بعطيج اي شي تستخدمينه الا بعد الفحص
وبعدها لما ظهر  قالي انا ما بعطيج حبوب الروكاتين الانه مضر لج
عطاني تقريبا 4 انواع من الحبوب
وتحمست وقلت لا هذا شاطر ويعرف شو حالتي واللي محتاجه له بالضبط

اول شي  حبوب مضاد  10  ايام و حبوب قويه جدا للحبوب 3 ايام فقط من غير ذكر اسم الدواء عشان انا ما اعرف اذا بيضركم ولا لاء وتعرفون الصيدليات يعطون الادويه من غير وصفه طبيه
اسم الدواء  استخدمته وبعدها وقفته
مع هذا عطاني كريم
رتن أ
لوشن في معه علبتين السائل والبودره تضيفين علبه السائل داخل علبه البورده 
  zineryt 
هذي الصوره 


هذا تقدرون تأخذونه في الصيدليه من غير وصفه 
 Zinc Gluconateحبوب





كريم الشمس بايوديرما 30+
وكريم بايوديرما الاحمر للحرقان والاحمرار
وكريم بايوديرما للجفاف بسبب كريم  رتن أ


وكنت اتابع معه كل شهر وكانت الحبوب عندي تزيد بشكل ويصير لي حساسيه وحرقان بشره صار لي و جفاف بعدها ولاكن البقع الحبوب بعدها قلت له اكتب لي اسم كريم يبيض قالي

كريم رتن أ يفتح ويبيض ويزيل الطبقه الاولى من البشره الانه يقشر ومع كل شهر كنت افحص الدم


ومع هذا رفض يعطيني قلت له انا بقول للدكتور قا ل لا يكفي ما نقدر نجازف صحتج أولى من الحبوب

ولاكن عطاني حبوب احسن من الحبوب القبليه بعد كم شهر من متابعتي عنده وهو للتهابات البشره الخاص به

وكنت اخذ حبتين في وجبه وحده فقط خلال 20 يوم
ولله الحمد حسيت فرق كبير وايد وتحسن والحمد الله اسم الدواء ما رميته



بس الخساره اني ما رحت له بعد ما عطاني الحبوب هذي
الحين صار على  علاجي م  7 شهور  بس مع الدكتور كان 5 شهور اعتقد
 بس لازم كنت اراجع الدكتور في شهر فيبراير 2  بس ما رحت له صار لي ظرف صحي اطريت اني اوقف العلاج من غير حبوب طبعا
لحد الان انا استخدم الكريم رتن أ و لوشن و ايضا حبوب زنك


بس بعد يظهرلي حبه أو حبتين ولله الحمد ايام  الدوره الشهريه )
افكر اني ارجع له بس متى الله اعلم عشان يشوف النتيجه
بس شوفو بنات مع هذا الدكتور مريت بمراحل مخاتلفه صار لي حساسيه وحروق  واحمرار كمال الوحه بسبب الكريم  رتن أ وبسبب كنت ايضا اسوي تشقير ( غبيه والله ) كان يعطيني كريم اسمه بايوديرما الاحمر بس بعد كنت احس بالحرقان


و  غسول للبشره ومقشره المشكله اني ما اعرف اسمه حاولت اتذكره 


بس وايد زين بس وقفت من فتره طويله وما استخدمته
وبعد سألني شو اللي استخدمه من العنايه من قبل   قالي انا ما بغير من اللي تستخدمينه دامج مرتاحه له وما شفتي اثار جانبيه قلت له ابي استخدم شي 2 قالي لاء دامه الشي اللي تستخدمينه ومستمر عليه ما سبب ضرر لج داومي عليه



بس بعد قلت له ابي ومصره لين هو غير كل شي وقالي استخدمي ماركة بايوديرما الاخضر للبشره الدهنيه المختلطه

وقالي اذا شفتي تحسن خبريني



بس ان شاء الله بحاول ارجع له بس الحين عندي ظروف صحيه مأخرتني اني اسوي اي شيء ابيه حاليا





بس بعد غيرت من اللي كنت استخدمه بس كريم  بايوديرما للشمس مستمره عليه



ما اعرف شوفني الشيء الزين اتجنبه .. بس الحمد الله الحبوب قلة بشكل 90% بس  10 الباقيه هذي حبوب تظهر لي تغير الجوه


وبث   
( اغلب اسماء الحبوب مش مذكره شو اسمه بالضبط ) 



واذا عندكم اي استفسار ف

Comments  

اسمحولي اعضاء المنتد ى اني ما نزلت الموضوع في المنتدي