raspberry custard cake كيك التوت مع الكاسترد

السلام عليكم 

حبيت اكتب لكم طريقه كيك التوت مع الكاسترد

هذي اليوم سويتها وحبيت انشرها لكم

الكيكه من تأليفي شفت كم موضوع للكيك في موقع بس قلت خلني اغير واضيف بدل المكونات بطريقتي الخاصه

الكل عجبه وأولهم اخوي فديته كان عندنا اليوم ( يوم خلص ما شاء الله عليه كم حبه قالي ( لازم يعني تخربين ال رجيم ) والله اطالعه واضحك بس بالعافيه عليه وعلى اللي أكله

كان عندي علبه التوت وعلبه الكاسترد وكنت ابي اسوي فطيره بس غيرت وقلت استخدمه للكيك

بسم الله

2 بيض
1 كاس سكر ابيض
1/3 نصف كاس كاستر

علبه كامله من التوت

1 ملعقه كبيره بكينج بودر
1 كاس من الطحين بنسبه للكاس انا استخدمت كاس من ايكيا ويكون شكله من فوق كبير
الانه هذا يناسب الكميه اللي ابيها اذ استخدمي كاس جبن يكون كاس وربع طحين
 الانه كاس من ايكيا يكون شوي عريض من فوق 

بحجم شريحتين ( زبدة مذابه )

ملعقه فانيلا سائله 

اول شئ نضع الكاستر مع البييض ونخلط

وبعدها الزبده ونخلط

وبعدها نضع السكر ونخلط

وبعدين نضع التوت

نضع الفانيلا ثم الطحين و البيكنج بودر

وبعدين نخلط


لاحظو انه الشكل اصبح شبه سميك وهذي النتيجه اللي ابيها

في صينيه الكيك المستطيح ادهن الزبده واضع الكيك وبعدين احرك الصينيه يمين ويسار الى ان يصبح متساوي

ثم ادخله الفرن ب حراره 180 تحت أول شي بعد تقريبا 30 دقيقه راح تشوفين الخليط اصبح منتفخ

استخدمي عود الخشب عشان تتاكيد انه استوا من تحت وبعدين نشغل فوق

حتي يصبح لون الذهبي من فوق وبعدها نخرجه من الفرن

ونخليه يبرد 15 دقيقه

وبالعافيه عليكم

ارجوا عدم نقل موضوعي الانه شخصي وجميع حقوق محفوظة لدي منتدي عروس فقط