جهاز BaByliss Rollers - معلومات وطريقه كما وعدتكم× صور

السلام عليكم
شحالكم بنات
ان شاء الله بخير


حبيت اكتب موضوع الجهاز
BaByliss Thermo Ceramic Rollers
هذا الجهاز غني عن التعريف توفير وبطريقه اسرع


الموضوع كان طلب من الاعضاء واسمحولي اني تأخرت صار عندي ظروف بس الحمد الله لقيت الوقت المناسب
تذكرون الموضوع اللي كتبته عن مكياج وشعر في ركن المكياج
الشعر كان بها الشكل بستخدام خذا الجهاز العجيب


قبل كنت استخدم حديد الرول اعتقد تعرفونه وكان يحرق ايدي وكنت وايد اتأخر يعني اخذ من وقتي ساعه على الاقل لين ما اخلص ويدي تعورني وكل دقيقه ارتاح واكمل تعبت من ها الحال بس يوم لقيت ها الجهاز حمدت ربي الانه ب 5 دقائق ق خلصت ولفيت شعري ونتيجه أفضل من الجهاز الرول العادي

بناقش في موضوعي :
 كيف تعرفت على الجهاز واين
 معلومات عن الجهاز بشكل مختصر
 وطريقه استخدامه


بسم الله
معلومات عن الجهاز وين شريته ؟
هذا الجهاز شفته صدقه في كارفور قبل اكثر من سنتين ب 310 درهم أو أكثر بضبط ما اذكر السعر بس اللي اعرفه اني شريته 300+
واخر مره شفت الجهاز قبل 7 او 8 شهور بس أعتقد بتلاقونه في نزيه أو بوتس أو بعض محلات الاجهزه الشعر أو الجمعيات الكبيره




BaBylissc Rollers معلومات عن الجهاز واستخدامه
له مسمي اخر وهو
Heated-Rollers
وهو سيراميك حراري ويوجد 3 بكرات مختلفة الحجم كبير وسط وصغير على حسب الجهاز والاختيار وتأتي مع 10 مقاطع فائقة ، و 20مسمار معدني. ويجب تدفئ البكرات حوالي 15 الى 20 دقيقه ولفه في الشعر ويبقي حتى تبرد البكرات ليضمن نتيجه افضل. .


شكل الجهاز عند الشراء مب شرط يكون نفس اللون وشكل في انواع كثيره مصنعه من شركات

هذا جهازي

شعار الجهاز

جهاز التحكم تشغيل و اطفاء الجهاز

انا عندي حجمين الكبير وسط

ملمس الجهاز مثل مخمل بس هو سيراميك حراري

معاه شنطه فيها للشعر دبابيس و مثبت الشعر يعني تقدرين تستخدمين اذا ضاع اي نوع

طريقه تثبيته في الشعر

طريقه استخدامه في الشعر


تنبيه :
يستخدم الجهاز على الشعر الجاف يعني استخدميه مستشور وناعم وبعدها عشان يثبت اسخدمي موس من ويلا


وتاخذين الرول وانتي لابسه القفاز الشتاء الصوفي عشان ما تحترق ايدج هذا اهم شي


وتشيلين الرول من طرف مثل البنت مش في النص انتبهوا الانه حار




يستخدم منتج حمايه الشعر بس انا استخدمت موس الشعر عشان يثبته اكثر


هذي الصور بنت عرضته ولاكن انا رتبت الصوره




طريقه :


تجزئين الشعر الى 3 طبعا على حسب شكل وغلض الشعر في بنات شعرهم خفيف تسوين جزئين ( انا طريقتي جزئين ) وكل جزء يصنف الشعر الى 3 او على حسب انتي كم تبين

وتأخذين كل جزء وتصنفينه الى 3
وبعدين تاخذين الجزء وتلفينه ب البكرات وتثبتينه ب مثبت الشعر

وناخذ الجزء 2 وصنفه

ونسوي نفس طريقه ولما تخلصين يكون في الشعر 30 او ساعه ( عن نفسي ساعه ونص أسوي اللي ابيه سلي عمرج لين ما تحسين انه وقته تشيلينه )

وبعدها رشي مثبت الشعر وخلاص


أو سوي تسريحه حلوه وباف ورفعي شعرج يعني دلعي عمرج قد ما تقدرين وزيني بالورد أو الاكسسوارات