Sunshine eye makeup رسمتي وابداعي2011 للمناسبات : كوني نجمة الحفل
حبيت اعرض لكم تجربتي وطريقتي وان شاء الله شرحي يكون واضح ومفهوم باذن الله
اللي استخدمة في رسمة العين
شادوا من ماركة مبروك
شادو مخملي من BR
ماسكرا من برستيج
اي لاينر من مبيلاين
الفرش اللي استخدمتها :
فرشاة القلم
فرشاة الاي لانر
فرشاه الاي شادو
بسم الله :
الاي شادو اللي استخدمة ماركة مبروك 160 لون مع شادو المخملي
160 color matte eyeshadow kits
رسمة عيني بتكون جيه قولوا ما شاء الله ( لا اله الا الله محمد رسول الله )
اولا اللي عليح انج تضعين البرايم وبعدها الكونسيلر ( ما صورته لكم انتوا تعرفون هاي الطريقه )
اوكي بعدها تضعين الشادو الابيض نسيت اصوره لكم من دمعه العين الى الحاجب ويكون لون مات يعني مافي لمعه
بعدها تضعين اللون الازرق الغامق من دمعه العين وتسحبينه قبل عضمة العين الى الاخر يكون مثل رسمة الدمعه اللي موضح على الصور رقم 1 وسمحولي غلط برقم 2 تجاهلوه
بعدها تضعين اللون الاخضر الفاتح رقم 1 من عضمة العين وتسحبينه وترسمين مثل الخط بعدين تضعين فوقه رقم 2 الاخضر الغامق وترسمينه
في عضمة العين مثل ما موضح لج في الصوره
بعد ما تخلصين تاخذين الفرشاه وتضحينها في ماي ويكون مسحه حفيفه وبعدين تضعين اللون الازرق اللي مايل على لون التركواز
وترسمين العين وطريقه انج ترسمن في نص العين تسحين الفرشاه لليسار شوي وبعدين لليمين بس يكون بشكل مرتب وما يوصل لدمعه العين يعني في النص بس
بعد ما تخلصين بستخدام فرشاه القلم تاخدين الشادو الازرق اللي استخدمتيه اول مره وترسمينه تحت العين وتسحين الفرشاه وتشبكينها مع الرسمه من الاخير
بعدين ما تخلصين بستخدام فرشاه القلم تاخدين الشادو الاسود المات وترسمه في عضمة العين الي اخر العين بطريقة الشبك بس ما يكون وايد اسود يفضل اللون الرصاصي اللي مايل على اللون الاسود بدرجه خفيفه بس انا جربته باللون الاسود
الحين نرسم الاي لاينر بس يكون خط خفيف من فوق نبدا من نصف العين ونسحبه الى الاخر بس من دون ما ترفعين الفرشاه على فوق خلي رسمه عاديه ومن تحت العين نبدأ من نصف العين ايضا الى اخر العين بس رسمه سميكه
الحين نضع ماسكرا واذا تحبين رموش صناعيه استخدمي عادي
استخدمت ماسكرا برستيج وايد حلوه عجبتني
الحين نرسم دمعه العين نستخدم الشادو الابيض المخملي
ونضعه من دمعه العين ونسحبه الى بدايه العين وتوقفين بعدها
وفي النهايه يكون شكل العين حلو ومرتب وينفع للحفلات الخطوبه و الاعراس
نصيحتي تختارين الروج nude وبورده اللون البرتقالي الفاتح او الوردي بيبي pink
من ماك Mac Blushcreme in 'LadyBlush' وقلوس من no 7 nude
وقلوس من no.7 high shine gloss طبعا هاي مش شفايفي ظهرت لكم من النت لون nude القلوس
