طريقة الطبخه الاماراتيه والشعبيه ( العصيدة )
السلام عليكم
حبيت اعرض عليكم الطبخه الاماراتيه وهي العصيدة الاماراتيه
نبذه عن العصيده
هي من الأكلات والحلويات الشعبية المشهورة ولها مكانة خاصة في المناسبات الاجتماعية وتعد إحدى الوجبات الرئيسة عن الضيافة .
والعصيده لها طرق مختلفه في جميع انحاء الخليج العربي بنسبه للمكونات وطرق اعداداها
ان شاء الله ب كتب لكم طريقتين
- · الطريقه العصيدة ب القرع البرتقالي (أو الجزر المهروس)
- · والطريقه العاديه والمعروفه عند الحريم الكبار
- الطريقه ال2 الطريقه العاديه والمعروفه عند الحريم الكبار
مكونات الطريقه العاديه ومعروفه
3 اكواب طحين
2 كوب سكر
3 م كبيره سمن
4 الى 6 اكواب ماء ساخن
1م صغيره زعفران
2 م كبيره هيل
1 كوب ماء ورد
الطريقه
نقلي الطحين حتى يصبح ذهبي اللون ونتركه جانبا ً
نحمر في القدر كوبين من السكر ثم نضع عليه ماء مغلي ثم نضع عليه الزعفران، وهيل مطحون، وماء ورد ونتركه يغلي على النار ثم نضع الطحين بالدفعات
- مكونات العصيدة ب القرع البرتقالي (أو الجزر المهروس)
كوبين الى 3 اكواب طحين رقم 1
3 أكواب سكر
3 م ك هيل بودره ( حسب الرغبه تقدرين تضعين اللى 4 م ك )
زعفران ( يوضع في فنجان قهوه ماء ساخن ويوضع الزعفران)
4 اكواب ماء ساخن
3 الى 6 اكواب ماء فاتر
طريقه
الجزر أو القرع على حسب الكميه اللي تحتاجينها انا استخدمت علبه جاهزه (
تقطعين ويسلق على نار عاليه ) ثم ياخذ فقط الجزر أو القرع ويوضع في
الخلاط حتى يهرس
الطريقه
بنسبه للهيل ..انا ما كان عندي هيل مطحون ف استخدمت هيل الحب وطحنته بالخلاط
ريحته تجنن احب ريحة الهيل ... 
في جدر نحمس الطحين حتى يتغير لونه الى بني ( انتبهو لا تحرقون الطحين يعني بني يكون تقريبا ذهبي )
وفي جدر نحمس السكر حتى يصبح لونه بني ثم نضع 4 اكواب ماء الساخن ( يمكن تقليل الماء اذا احسيتي انه كافي الى 3 اكواب )
المره الاولى جربته وما نجحت في التحميس بس انتو لازم تحمسونه الى ان يصبح سكري بني
صار عندي لونه اصفر تخلينه الى ان يصبح شبه سميك يعني يصبح مثل الشيره
في جدر رئيسي نضيف السمن ( اذا ما عندج سمن يمكن استخدام الزبده)
انا اشتخدمت القرع البرتقالي الجاهز راح تلاقونه في كارفور في قسم الكيك
استخدمت علبه ونص
وضعت 3 الى 4 اكواب ماء فاتر مع التحريك ( طبعا اتي راح تشوفين الماء اللي تحتاجينها )
تضعين 3 م ك هيل مطحون
زعفران
وتحركين ونضع الشيره ( السكر ) وتحركينه
وبعدين أهم شي الحين .. نضع بالدفعات الطحين ( وتشوفين كم الكميه اللي تحتاجينها )
بس لازم تنتبهون
من ناحيه وضع الطحين لازم تحركينه بسرعه ( ترفعين الجدر من النار وتضعين
الطحين مع التحريك لما تحسينه صار زين وما صار عندج الطحين يتكتل يوصع على
النار مره اخرى)
بالتحريك لازم يكون
مثل العجينه شبه سميكه وناعمه وتغطين الجدر وتخلينه يطبخ وكل 5 دقائق حركي
واذا احتاج ماء ضيفي الكميه اللي تبينها
هذا الشكل النهائي ويوضع في حراره للضيافيه أو صينيه لها غطاء
وبالعافيه عليكم
ملاحظه :
ملاحظه :
اما بنسبه للقرع اذا ما حبيتو تستخدمون القرع تقدرن تستخدمون الجزر
والطريقه نص كيلو جزر نغليه ثم نهرسه
